Twristiaeth

Parhaodd twristiaeth hyd yr 1900au gyda Bermo yn cynnig llawer o’i phrif atyniadau. Agorodd Rheilffordd y Friog a’r fferi o'r Bermo ac yna taith o Drwyn Penrhyn i'r pentref. Ar y dechrau roedd y cerbydau'n cael eu tynnu gan geffylau cyn cael eu disodli'n ddiweddarach gan locomotifau stêm lein gul. Byddai grwpiau adloniant yn ymweld â'r ardal yn flynyddol ac yn cynnal sioeau. Byddai rhai yn gosod llwyfannau awyr agored ac yn diddanu ar y traethau neu'r promenâd. Roedd adeilad mawreddog o'r enw y Pafiliwn yn bodoli lle saif y ffair bleser heddiw. Cynhaliwyd cyngherddau yno ac yna daeth sinema yno. Rhwng 1931 a 1932 roedd papurau newydd yn adrodd y canlynol am y dref:

St. James Budget –“ Llain o wlad sydd a phrydferthwch heb ei thebyg.”

Y Byd – “Prydferthwch cyntaf Abermaw yw’r Bont ar draws yr Aber. Nid oes promenâd o’r fath ledled Ewrop… ardal ddelfrydol.”

Manchester Guardian – “Rydych chi’n clywed llawer o gymhariaeth yn cael ei wneud rhwng Cymru a’r Swistir, a phan fo’r Panorama Walk o’r Bermo dan sylw nid yw’r gymhariaeth yn cael ei gorfodi, ac nid oes angen unrhyw ymddiheuriad ar gyfer y Cefn Gwlad Cymreig.”

Sheffield Daily Guardian – “Yr aber hyfryd hwnnw – sy’n rhan o sŵyn Y Bermo – … Un o’r lluniau gorau o Ewrop yw Aber Y Bermo.”

Darlun y Fonesig – “Prin y gall Cymru hyfryd frolio llecyn mwy swynol na’r Bermo hardd”

Western Daily Press, Bryste – “Mae’r Bermo yn ffefryn gan ddosbarth dethol o ymwelwyr sy’n mynd yno flwyddyn ar ôl blwyddyn. Ychwanegir at ei sŵyn gan ei deithiau cerdded heb eu hail a’i olygfeydd mynyddig digymar.”

Westminster Gazette – “Mae Abermaw yn y gaeaf mor heulog â Bermuda ac mor gynnes. Er bod pobl hyd yn hyn - yn enwedig y rhai y mae heulwen y gaeaf yn fywyd iddynt - prin yn sylweddoli hyn, anaml y mae'r tymheredd yn llai na 40 gradd, tra bod y golygfeydd mor berffaith ag y gall fod.”

Cofnod Gwerthwyr Tir -“Mae’r cyfuniad digyffelyb o fynydd a dyffryn, rhostir a rhaeadr, afon ac aber, sydd wedi dwyn edmygedd sawl ymwelydd ac wedi denu Awduron, Arlunwyr, Gwyddonwyr, a Naturiaethwyr, i’r ‘Rhine Gymreig’, gyda'i gysylltiad gwych - 'yn newid yn barhaus, yn newydd erioed' - wedi bod yn thema ddiddiwedd ers blynyddoedd lawer.”

Nottingham Guardian – “Yr yswiriant gorau yn erbyn salwch yw wythnos yn y Bermo. Mae Abermaw yn ganolfan heb ei hail ar gyfer gweld holl leoedd siroedd Gogledd Cymru. Bydd gwibdaith undydd yn mynd â’r ymwelydd i ben y mynyddoedd enwog hyn: Cader Idris, Pumlumon, Moelwyn, Diffwys, yr Wyddfa, a’r ddwy Arran.”

TP’s Weekly – “Mae’r Bermo yn rhoi ymdeimlad gwych o orffwys i chi. Mae'r clogwyni yn gysgod oddi wrth gwyntoedd y dwyrain. Roedd Turner wrth ei fodd â’r ardal ac fe beintiodd lawer o gwmpas y lle.”

Y Byd Cristnogol – “Anaml y mae’n rhewi yn Y Bermo, ac anaml y mae eira’n parhau wedi disgyn. Y mae y gaeaf yn hwyr iawn yn dod yma ac yn fwyn iawn ar y cyfan. Mae'r dref yn agored i'r môr a'r haul i'r de a'r gorllewin. Mae blodau gwyllt yn para o'r gwanwyn i'r gwanwyn. Pe bai pobl ond yn gwybod sut brofiad y mae Bermo yn ei gynnig trwy’r wythnosau sy’n ddrwg i’w dioddef mewn mannau eraill, byddai’r rhan fwyaf ohonynt yn peidio dianc i Dde Ffrainc ac yn ceisio’r Bermo.”

Fel y gallwn weld, roedd y Bermo yn lleoliad gwirioneddol ddymunol i rhai ledled y Deyrnas Unedig. Trawsnewidiodd agor y promenâd newydd a’r amddiffynfeydd môr olwg a theimlad y dref ar hyd y lan. Dechreuodd meysydd gwersylla ehangu gan ddarparu cyfleusterau gwersylla sylfaenol i ddechrau, i safleoedd gyda siopau, pyllau nofio, adloniant, tafarndai, caffis a bwytai ar eu safleoedd heddiw.