Cynghorwyr Tref Abermaw

Etholir cynghorwyr i wasanaethu am dymor o bum mlynedd. Roedd yr etholiad diwethaf yn 2022 ac etholwyd tri ar ddeg o gynghorwyr o blith pymtheg ymgeisydd. Os bydd Cynghorydd yn rhoi’r gorau i’w swydd yn ystod ei dymor o bum mlynedd yna gellir cyfethol rhywun yn ei le, neu os oes angen gellir cynnal etholiad. Mae dau gynghorydd wedi cael eu cyfethol ers yr etholiad. Mae disgwyl i’r etholiad nesaf i’r Cyngor Tref gael ei gynnal ym mis Mai 2027.

Mae pob Cynghorydd Tref yn arwyddo ffurflen "Derbyn Swydd" ac yn cytuno i gadw at y Cod Ymddygiad. Nid yw Cynghorwyr Tref yn cael eu talu i wasanaethu, gallant hawlio treuliau angenrheidiol i gyflawni eu rôl a thelir lwfans blynyddol bach iddynt i dalu costau cartref.